دەست بەسەر سێ کیلۆگرام ماددەی ھۆشبەردا گیرا
2022-10-23 00:00:00 - سەرچاوە: سپێده
لە میانی ئۆپەراسیۆنێکدا لە پارێزگای دیوانییە باشووری عێراق، بارزگانێکی ماددەی ھۆشبەر دەستگیرکرا، ھەروەھا دەست بەسەر سێ کیلۆگرام ماددەی ھۆشبەر لە جۆری کریستاڵدا گیرا.
شانەی راگەیاندنی ئەمنی سەربە نووسینگەی سەرۆکوەزیرانی عێراق لە راگەیەندراوێکدا ئاماژەی بەوەداوە کە ھێزەکانی سەربە بەڕێوەبەرایەتیی ھەواڵگریی و ئاسایش لە پارێزگای دیوانییە لە میانی ئۆپەراسیۆنێکدا لە پارێزگاکە، بارزگانێکی ماددەی ھۆشبەریان دەستگیرکردووە.
ھەروەھا باسی لەوەش کردووە کە لە میانی ئۆپەراسیۆنەکەدا، دەست بەسەر سێ کیلۆگرام ماددەی ھۆشبەر لە جۆری کریستاڵدا گیراوە.
