كاره‌بای هه‌ولێر: هەر ماڵێک قەرزی کارەبای لەسەر بێت کارەباکەی دەبڕین
2022-10-23 00:00:00 - سەرچاوە: سپێده
دیجیتال میدیای سپێده
بەڕێوەبەری كاره‌بای هه‌ولێر رایده‌گه‌ینێت، "هەر ماڵێک قەرزی کارەبای لەسەر بێت کارەباکەی دەبڕن، ئەمڕۆ نزیکەی 300 هاوبەشی ماڵان کارەبایان بڕاوە."
کەمال عەساف، بەڕێوەبەری دابەشکردنی کارەبای هەولێر/2 لە لێدوانێکى تەلەفزیۆنیدا بۆمیدیای پارتی وتى "دوای ئەوەی بڕیاریانداوە کە هەر ماڵێک زیاتر لە دوو ملیۆن دینار قەرزی کارەبای لەسەر بێت کارەباکەی دەبڕن، ئەمڕۆ نزیکەی 300 هاوبەشی ماڵان کارەبایان بڕاوە".
وتیشی "لەو 300 ماڵە 260یان دوای ئەوەی قەرزەکانیان داوەتەوە کارەبایان بۆ گەڕاوەتەوە. ئەو ماڵانەشی کە کارەبایان بڕدراوە زۆرتر لە سیتییەکان و گەڕەکە نوێیەکانن".
