پاريزگايگ عراقى رێ وشوون قه‌يه‌غه‌ى هاتوچوو ئه‌را ماوه‌ى 10 رووژ تونتره‌و كرد
2020-03-28 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ شانه‌ى قه‌يران له پاريزگاى واست رێ وشوونه‌يل قه‌يه‌غه‌ى هاتوچوو له ئمڕوو شه‌ممه‌وه 28/3 / 2020 ئه‌را ماوه‌ى 10 رووژ تونتره‌و كرد.
ئداره‌ى شانه‌ى قه‌يران له به‌ياننامه‌يگ وت: بايه‌سه بازاڕكردن هاووڵاتيه‌يل له‌ى ماوه له‌ناو ناوچه‌يل خوه‌يان بدێ، چوينكه قه‌يه‌غه‌ى هاتوچوو وه‌رده‌وامه له‌ناونى ناوچه‌يل پاريزگاگه‌و دوكانه‌يل مادده‌ى خوارده‌مه‌نى و به‌قاڵه‌يليش له‌ناو ناوچه‌يل خوه‌يان واز بكه‌ن له سه‌عات 7 شه‌وه‌كى تا 5 ئيواره و دوياخريش بايه‌سه بووه‌سن.
جى باسه، بڕياريش درياگه هاووڵاتيه‌يل وه‌هويچ شيوه‌يگ ده‌رنه‌چن و رێ شوون ياسايى ئه‌گريه‌ێده وه‌ر ده‌رهه‌ق كه‌سه‌يل خاوه‌ن دوكان له‌وانه‌گ سه‌رپيچى بكه‌ن له بڕياره‌يل له‌ماوه‌ى قه‌يه‌غه‌ى هاتوچوو.