زێلێنسکی سەردانی خێرسۆن-ی کرد
دیجیتال میدیای سپێده
سەرۆکی ئۆکرانیا، ڤۆلۆدیمیر زێلێنسکی سەردانی شاری خێرسۆن-ی کرد کە دوای کشانەوەی یەکە سەربازییەکانی رووسیا کەوتووەتەوە ژێر کۆنترۆڵی سوپای ئۆکراینا.
زێلێنسکی لە میانی سەردانەکەیدا بۆ خێرسۆن، لەگەڵ سەربازان و ھاووڵاتییانی ئۆکراینیدا کۆبووەوە.
ڤۆلۆدیمیر زێلێنسکی سوپاسی سەربازانی وڵاتەکەی کرد و رایگەیاند کە بە کۆنترۆڵکردنەوەی شارەکە خزمەتێکی گەورەیان کردووە. ھاووڵاتییانیش خۆشەویستیی خۆیان بۆی دەربڕی.
ھەروەھا سەرۆکی ئۆکراینا، راشیگەیاند کە دڵخۆشە بە رزگارکردنی شارەکە و کاردانەوەی خەڵک.
زێلێنسکی جەختی لەسەر گرنگی ھاتنی بۆ شارەکە کردەووە و ئاماژەی بەوەدا کە بۆ ئەوە سەردانی شارەکەی کردووە تا لە نزیکەوە ھەست بە وزەی ئەو سەربازانە و خەڵکی شارەکە بکات کە رۆژانە ژیانی خۆیان لەپێناو وڵاتەکەیاندا دەخەنە مەترسییەوە.