چين زانيارى له‌باره‌ى روێ وه‌ڕوێ بوينه‌وه‌ى كۆرۆنا ئه‌ياده كوردستان
2020-03-28 00:00:00 - سەرچاوە: شـه‌فـه‌ق نيـوز
شه‌فه‌ق نيوز/ تيميگ له خاچ قرمز چينى، ئاشكراى ئه‌وه كرد گشت زانياريه‌يل و هه‌وه‌جه‌يليگ پيشكه‌ش وه هه‌رێم كوردستان ئه‌كا ئه‌را روێ وه‌ڕوێ بوينه‌وه‌ى ڤايرۆس كۆرۆنا.
له‌ى باوه‌ته‌و دكتۆر هانك ك يه‌كيگه له ئه‌ندامه‌يل تيمه چينيه‌گه له كۆنگره‌يگ رووژنامه‌گه‌رێ وت: چين له‌ماوه‌ى گوزه‌يشت تاقيگايگ ئه‌را حكومه‌ت عراقى دامه‌زرانگه ك ئه‌تويه‌نێد له‌تى فه‌حس كه‌سه‌يل گومانليكرياێ وه ڤايرۆسه‌گه بكا و يه‌يش ده‌رخست ك ئيسه له‌و تاقيگا وشكانن ئه‌نجام ئه‌دريه‌ێد.
جى باسه، ئه‌و تيم چينيه وه سه‌ردانيگ ئه‌را ماوه‌ى چوار رووژ ره‌سينه هه‌رێم كوردستان و كار له‌بان روێ وه‌ڕوێ بوينه‌وه‌ى ڤايرۆسه‌گه ئه‌كاو گشت زانيارى و هه‌وه‌جه‌يليگ له‌باره‌ى كۆرۆنا و له‌ناوبردنى پيشكه‌ش وه وه‌زاره‌ت ته‌ندروسى له حكومه‌ت هه‌رێم كوردستان ئه‌كا.
