هەواڵی کوردستان ئێستا

وەزیری ئابووری ئەڵمانیا ڕۆبەرت هابێک دەڵێت هیچ کەس پێشنیاری ئەوەی نەکردووە ئەڵمانیا بازرگانیکردن لەگەڵ چیندا ڕابگرێت، بەڵام وەبەرهێنانەکانی چین لە کەرتە هەستیارەکاندا دەبێت لە نزیکەوە شیکارییان بۆ بکرێت.

وتی " هیچ قسەیەک نەکراوە دژی بەردەوامیدان بە پاراستنی پەیوەندییە ئابوورییەکان لەگەڵ چیندا. بە تەواوەتی مەحاڵە بۆ ئابووری ئەڵمانیا کە ئێستا بە خێرایی وازی لێبێنێت، بەڵام هەموو قسەکان دژی ئەوەن چاوت دابخەیت و هیوادارن بارودۆخەکە ئاڵۆز نەبێت."

وتی " ئەوە بە مانای ئەوەی لە کەرتە هەستیارەکانی ئابوورییەکەماندا دەبێت ئێمە بڕیار بدەین و ڕێگری لە کاریگەرییە ستراتیژییەکان بگرین لەسەر وەبەرهێنانە هەستیارەکان."

ئەڵمانیا هەوڵ دەدات پشتبەستنی بە چین کەم بکاتەوە و پەرە بە ستراتیژییەکی نوێی چین دەدات، بەڵام دەکرێت ئەم کارە قورس بێت لە کاتێکدا پەیوەندییەکی بازرگانی قوڵ لە نێوان یەکێتی ئەوروپا و چیندا هەیە.

سەرچاوە/ ڕۆیتەرز