سوودانی و پلاسخارت ھاوکارییە ھاوبەشەکانی نێوان عێراق و نەتەوە یەکگرتووەکانیان تاوتوێ کرد
دیجیتاڵ میدیای سپێده
سەرۆکوەزیرانی عێراق، محەمەد شیاع سوودانی و نوێنەری تایبەتی سکرتێری گشتیی نەتەوە یەکگرتووەکان بۆ عێراق، جێنین ھێنیس پلاسخارت ھاوکارییە ھاوبەشەکانی نێوان عێراق و نەتەوە یەکگرتووەکانیان تاوتوێ کرد.
نووسینگەی راگەیاندنی سەرۆکوەزیرانی عێراق لە راگەیەندراوێکدا ئاماژەی بەوەداوە کە محەمەد شیاع سوودانی پێشوازیی کردووە لە نوێنەری تایبەتی سکرتێری گشتیی نەتەوە یەکگرتووەکان بۆ عێراق، جێنین ھێنیس پلاسخارت.
راشیگەیاندووە کە لە میانی کۆبوونەوەکەدا، ھاوکارییە ھاوبەشەکانی نێوان عێراق و نەتەوە یەکگرتووەکان لەسەرجەم بوارەکاندا تاوتوێ کراوە.
باسی لەوەش کردووە محەمەد شیاع سوودانی جەختی کردووەتەوە لەسەر ئەوەی کە عێراق ئاواتەخوازە ھاریکارییەکانی لەگەڵ نەتەوە یەکگرتووەکاندا پتەوتر بکات، بەتایبەتیش لە پرسی گەڕانەوەی ئاوارەکان و رووبەڕووبوونەوەی گۆڕانی ئاووھەوا.
