عێراق به‌شدارى له‌لوتكه‌ى عه‌ره‌بى ـ چینى دا ده‌كات كه‌له‌سعودیه به‌رێوه‌ده‌چێت
دیجیتال میدیای سپێده
ئه‌مرۆ له‌ریازى پایته‌ختى سعودیه لوتكه‌ى عه‌ره‌بى ـ چینى، به‌به‌شدارى به‌شێك له‌سه‌ركرده‌كانى جیهان وناوچه‌كه به‌رێوه‌ده‌چێت وسه‌رۆك وه‌زیرانى عێراقیش تێیاندا به‌شدار ده‌بێت.
بریاره ئه‌مرۆ لوتكه‌ى عه‌ره‌بى ـ چینى له سعودیه ده‌ست به‌كاره‌كانى بكات كه‌سێ لوتكه‌ى جیاواز له‌خۆ ده‌گرێت، بۆ رۆژى هه‌ینیش محمد شیاع سودانى سه‌ردانى ریازى پایته‌ختى سعودیه ده‌كات وبه‌شدارى له‌لوتكه‌كاندا ده‌كات.
لوتكه‌ى عه‌ره‌بى ـ چینى لوتكه‌یه‌كى ئابوورییه و، هه‌ر یه‌كه له‌چین و وڵاتانى عه‌ره‌بى جیاواز به‌شدار ده‌بن، وپێده‌چێت چه‌ندین رێككه‌وتنى نێوده‌وڵه‌تى نوێ و باشتركردنى دۆخى ئابورى هه‌رێمى لێبكه‌وێته‌وه.
ئاژانسى هه‌واڵى سعودیه بڵاویكرده‌وه: شى جین بینگ سه‌رۆكى چین ئه‌مرۆ به‌فه‌رمى سه‌ردانى سعودیه ده‌كات و بۆ ماوه‌ى دوو رۆژ ده‌مێنێته‌وه وله‌سێ لوتكه‌ى جیاوازى عه‌ره‌بى ـ چینى به‌شدار ده‌بێت.
سه‌رۆكى چین به‌شدارى له‌لوتكه‌ى ریازى كه‌نداوى چینى بۆ هه‌ماهه‌نگى وگه‌شه‌پێدان، وهه‌روه‌سا لوتكه‌ى ریازى عه‌ره‌بى چینى بۆ هه‌ماهه‌نگى وگه‌شه‌پێدان به‌به‌شدارى سه‌ركرده‌كانى وڵاتانى كه‌نداو وعه‌ره‌بى بكات.
هه‌روه‌ها لوتكه‌ى عه‌ره‌بى ـ چینى به‌به‌شدارى عێراق و وڵاتانى عه‌ره‌بى دیكه له‌ریازى پایته‌ختى سعودیه به‌رێوه‌ده‌چن.
