هەواڵی کوردستان ئێستا

لەم هەفتەیەدا ژمارەی سەکۆکانی هەڵکەندنی بیرە نەوتییەکان لە ئەمریکا دوو دانە کەمیکردووە.

کۆمپانی بەیکەر هیوز تایبەت بە خزمەتگوزاریی کێڵگە نەوتییەکان لە لە ئه‌مریكا لە راپۆرتی هەفتانەیدا ئاماژەی بەوە کرد کە ژمارەی سەکۆکانی هەڵکەندنی بیرە نەوتییەکان لە رۆژانی سێی کانوونی یەکەم-نۆی کانوونی یەکەم بەراورد بە هەفتەی پێشتر، دوو دانە کەمی کردووە و گەیشتووەتە ٦٢٥ سەکۆ.

لە ماوەی یەک ساڵی رابردوودا، ژمارەی سەکۆکانی هەڵکەندنی بیرە نەوتییەکان لە ئەمریکا ١٥٤ دانە زیادیان کردووە.

رۆژی پێنج شەممە، بەرمیلێک خاوی برێنت بە ٧٦،١٥ دۆلار مامەڵەی پێوە کرا و رۆژی هەیینی گەیشتە ٧٦،١٠ دۆلار.

هاوکات رۆژی هەیینی بەرمیلێک خاوی رۆژئاوای تەکساس بە ٧١،٥٠ دۆلار مامەڵەی پێوە کراو و رۆژەکەی بە ٧٢،٠٦ دۆلار تەواو کرد.