English | عربي

  ☵ گرنگترین هه‌واڵ



پێشانگه‌ها دهۆك یا نێڤده‌وله‌تی ب پشكداریا 40 كومپانیان هاته‌ ڤه‌كرن

2018/10/10 | 18:25

(هەواڵ كوردستان)- ژپێخه‌مه‌ت خورتكرنا بزاڤا بازرگانی دناڤبه‌را پارێزگه‌ها دهوكێ‌ وكومپانیێن مسری ئه‌ڤرو پشتی نیڤرو 10-10-2018ل ده‌ڤه‌را ئالوكا به‌هزاد علی ئاده‌م جێگرێ‌ پارێزگه‌رێ‌ دهوكێ‌ ب ئاماده‌بونا چه‌ند به‌رسێن میری ورێڤه‌به‌رێن فه‌رمانگه‌ها وبازرگان وكومپانیێن ده‌ڤه‌رێ‌ پێشانگه‌ها دهوك یا نیڤ ده‌وله‌تی یا تایبه‌ت ب به‌رهه‌مێن كومپانیێن مسری هاته‌ ڤه‌كرن.

پاش گه‌ریانه‌ك لناڤ پێشانگه‌هێ‌ كر وژنێزیك سه‌حكره‌ به‌رهه‌مێ‌ كومپانیێن مسری.

جێگرێ‌ پارێزگه‌رێ‌ دهوكێ‌ د په‌یڤه‌كێ دا ده‌ست خوشی ل كومپانیا رائید ورێڤه‌به‌ریا پێشانگه‌ها دهوك یا نیڤ ده‌وله‌تی وهه‌موو لایه‌نان كر كو شیاینه‌ ڤێ‌ پێشانگه‌هێ‌ رێكبێخن وبه‌رهه‌مێ‌ (40) كومپانیێن مسری دوارێن جودا دا به‌رچاڤكه‌ن .

هه‌روه‌سا گوت: ئه‌ڤ جوره‌ پێشانگه‌هه‌ دێ‌ بزاڤا بازرگانی دناڤبه‌را هه‌رێمێ‌ و وه‌لاتێ‌ مسرێ‌دا خورتر لێ‌ كه‌ن وداخاز ژوه‌لاتیێن پارێزگه‌هێ‌ وكومپانیێن نافخویی وبازرگانان كر كو سه‌ره‌دانا پێشانگه‌هێ‌ بكه‌ن وژنێزیك به‌رهه‌مێ‌ كومپانیێن مسری ببینن وهه‌ڤبه‌ستا دگه‌ل كومپانیێن مسری بكه‌ن بو كرینا كه‌ل وپه‌لێن هاتینه‌ به‌رچاڤكرن.

هه‌ژی گوتنێ‌ یه‌ چل كومپانیێن مسری پشكداری دپێشانگه‌هێ‌ دا كریه‌ وكه‌لو وپه‌لێن وه‌كو جلك وموبیلیات و وئێكسوارات وكارێن دن یێن ده‌ستی وجورا وجور به‌رچاڤكرینه‌ وبریاره‌ پێشانگه‌ه بو ماوێ‌ ده‌ه روژا ل هه‌مبه‌ر وه‌لاتیا وبازرگانان یا ڤه‌كری بیت وفروتنا كه‌ل وپه‌لا یا راسته‌و خو دێ‌ هێته‌ كرن.








نیشانەکردن



زۆرترین






ڤیدیۆ- وێنە





Trending