هەواڵی کوردستان ئێستا

نیوەڕۆی ئەمڕۆ پێنج شەممە بەرواری 15/12/2022 بەرێز مامۆستا سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان بەیاوەری ژمارەیەك لە كارگێری ئەنجومەنی جێبەجێكردن و سەركردایەتی لە شاری هەولێر پێشوازی لە شاندێكی بەرەی توركمانی عێراقی بەسەرۆكایەتی بەرێز ئایدن مەعروف و ژمارەیەك لە ئەندامانی مەكتەبی سیاسی و سەركردایەتی كرد.

لە دیدارەكەدا كه زیاتر لە كاتژمێرێكی خایاند هەردوولا بارودۆخی هەرێمی كوردستان و عێراق و ناوچەكەیان تاوتوێكرد و تەئكیدیان كردەوە لە مافی هاوڵاتیان بە گشتی و مافی پێكهاتەكان بەتایبەتی لە بەشداری سیاسی و ئیداری و رۆشنبیری و كۆمەڵایەتی و سەرجەم كایەكانی تر لەسەر ئاستی كوردستان و عێراق.

لای خۆیانەوە شاندی میوان سوپاس و پێزانینی خۆیان دەربڕی بۆ هەڵوێستەكانی یەكگرتووی ئیسلامی كوردستان لە پاڵپشتیكردنی مافی پێكهاتەكان.