هەواڵی کوردستان ئێستا

دیجیتاڵ میدیایی سپێده‌

بەهای دۆلار بەرامبەر بە دیناری عێراقی زیاتر بەرزبوەوە و ئێواەی ئەمڕۆ لەگەڵ داخستنی بۆرسەكانی ئاڵوگۆڕی دراو، بەهای 100 دۆلار گەیشتە 153 هەزار و 500 دینار.

ئەحمەد بریفكی جێگری سەندیكای ئاڵگۆڕی دراو لە دهۆك بە سپێدەی راگەیاند: یەكەم جارە نرخی دۆلار بۆ ئەم ئاستە بەرزبێتەوە و ئێوارەی ئەمڕۆ 100 دۆلاری ئەمریكی بە 153 هەزار و 500 دینار مامەڵەی پێوەكراوە.

جێگری سەندیكای ئاڵوگۆڕی دراو هۆكاری زیاتر بەرزبوونەوەی دۆلاری بۆ ئەوە گەڕاندەوە كە بانكی ناوەندی عێراق دۆلاری كەم دەخاتە بازاڕەوە، هەروەها گوتی هۆكاری دووەمی بەرزبوونەوەی دۆلار بۆ ئەوە دەگەڕێتەوە كە لە بنەڕەت دۆلار لەسەر ئاستی جیهان نرخەكەی بەرزبۆتەوە.

جێگری سەندیكای ئاڵوگۆڕی لە دهۆك گوتیشی : پێشبینی دەكەین نرخی دۆلار دابەزێت، بەڵام تا ئێستا پلانی بانكی ناوەندی عێراق بۆ دابەزاندنی نرخی دۆلار دیار نییە بۆیە دۆلار بەردەوام لە بەرزبوونەوەدایە.