هيزه‌يل عراقى پرووسه‌ى "وه‌هار سه‌ركه‌فتنه‌يل گه‌ورا" ئه‌نجام ئه‌يه‌ن
شه‌فه‌ق نيوز/ هيزه‌يل عراقى، ده‌سكردنه ئه‌نجامداين پرووسه‌ى "وه‌هار سه‌ركه‌فتنه‌يل گه‌ورا" ئه‌را پاكه‌وكردن هه‌ردوگ جزيره‌يل نه‌ينه‌واو سه‌ڵاحه‌دين له پاشماوه‌يل ريكخرياگ تيرۆريستى داعش.
له‌ى باوه‌ته‌و، حه‌شد شه‌عبى له به‌ياننامه‌يگ وت: ليواى 44 و 51 و فه‌رمانده‌يى حه‌شد شه‌عبى نه‌ينه‌واو ئه‌ندازيارى سه‌رباڤى و دژه ته‌قينه‌وه‌يل وه پشگيرى ته‌ياره‌وانى سوپا و زريپووش له حه‌شد شه‌عبى بيجگه به‌شدارى فه‌وج ته‌كتيكه و فه‌وج سوات و دو فه‌وج له سوپاى عراقى، ده‌سكردنه‌سه پرووسه‌ى وه‌هار سه‌ركه‌فتنه‌يل گه‌ورا ئه‌را پاكه‌وكردن هه‌ردوگ جزيره‌ى نه‌ينه‌واو سه‌ڵاحه‌دين.
به‌ياننامه‌گه هه‌ميش وت: ئى پرووسه وه گووره‌ى ده‌سكه‌فتن هه‌واڵگيرى پڕ دقه‌تيگ ئه‌نجام گرگه وه ئه‌وه‌گ گرووچه‌يل چه‌كدار ئه‌خوازن له مه‌رزه‌يل سورياوه سوود له بڵاوبوينه‌وه‌ى ڤايرۆس كۆرۆنا وه‌ربگرن و دزه بكه‌ن وه‌ره‌و ناو خاكه‌يل عراقى.