هەواڵی کوردستان ئێستا

دیجیتاڵ میدیایی سپێده‌

دەسەڵاتدارانی کۆسۆڤۆ دوای ئاگادارکردنەوەیان لەبارەی بوونی بۆمب لە فڕۆکەخانەی "ئادام یەشاری" لە شاری پرشتینای پایتەخت، فڕۆکەخانەکەیان داخست.

پۆلیسی کۆسۆڤۆ لە راگەیەندراوێکدا ئاماژەی بەوەداوە کە بەیانی ئەمڕۆ چوارشەممە، لەبارەی بوونی بۆمب لەناو فڕۆکەخانەی "ئادام یەشاری" ئاگادارکراونەتەوە.

راشیگەیاندووە کە دوای ئاگادارکردنەوەکە، پۆلیس بە ھەماھەنگی و ھاوکاری لەگەڵ دەزگا پەیوەندیدارەکان، رێوشوێنی پێویستی لەوبارەیەوە گرتووەتەبەر.

باسی لەوەش کردووە کە پۆلیس، بەشێوەیەکی کاتی فڕۆکەخانەکەی داخستووە و لەئێستادا، کارەکانی گەڕان و لێکۆڵینەوە لەبارەی رووداوەکەوە بەردەوامە.