هەواڵی کوردستان ئێستا

شەفەق نیوز/ حکومەت هەرێم کوردستان، ئمڕوو پەنجشەممە، بیناکردن ٤١ بەنداو بویچگ لە گشت ناوچەیل هەرێم کوردستان راگەیان، ئەرا جەمکردن و مقیەتیکردن ئاو، لە وەختیگ باس تەواوکردن ٥ لەلیان لە ئیدارەی زاخۆی سەروەخوەی کرد.

فەرمانگەی راگەیانن و زانیاری لە حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: پەنج لەو پرووژەیلە لە ئیدارەی سەروەخوەی زاخۆ کریەێد، ک پەنج پرووژەی ستراتیژیە ئەرا ئەمارکردن ئاو لەبان چەم خابوور ، و دیاری کرد ک بەنداوەیل  لە سێ ملیارد دینار زیاتر خەرجیان چوود، و ئەوەسا ئاست ئاوە ناو چەمەگە لە سێ مەتر زیاتر بەرزەو کەێد. 

بەیاننامەگە لە زوان شەڤان عەبدی وەڕیەوبەر راگەیانن ئیدارەی زاخۆ، وت: کار بیناکردن سێ بەنداوەگە تەواو بوی، و بەرزی بەنداوەیل رەسێدە نزیکەی سێ مەتر و درویژیی ٥٣ مەترە، وتیش:  تا ئیسە کار لە پرووژەیل تەواو بەر و رووژانە ٢٠٠ کریکار وەگەرد ئامیر و ماشینەیل فرەیگ لەناویان کار کردنە، و ٧٥ لەسدیان کریکار ناوخوەیی بوینە.

وتیش: ئەوەسا ئەو بەنداوەیلە ئاسانکاری لە پاکەوکردن چەم خابوور کەن و ئاست ئاوەگە بەرزەو کەن، وتیش: تووابوین کار لەو پەنج پرووژە ئەوەیان سوود گەورەیگ ئەرا کشتوکاڵی و گەشتوگوزاری لەناوەگە دیرێد.