لە باشووری رۆژھەڵاتی عێراق دەست بەسەر ٣،٥ کیلۆگرام ماددەی کریستاڵدا گیرا
2023-01-03 00:00:00 - سەرچاوە: سپێده
دیجیتال میدیای سپێده
وەزارەتی ناوخۆی عێراق، دەستگیرکردنی دوو بازرگانی ماددەی ھۆشبەر و دەست بەسەرداگرتنی سێ کیلۆ و ٥٠٠ گرام ماددەی ھۆشبەری لە جۆری کریستاڵ لە پارێزگای میسان باشووری رۆژھەڵاتی ئەو وڵاتە راگەیاند.
وەزارەتی ناوخۆی عێراق لە راگەیەندراوێکدا ئاماژەی بەوەداوە کە ھێزەکانی سەربە بەڕێوەبەرایەتیی نەھێشتنی ماددەی ھۆشبەر لە پارێزگای میسان لە میانی ئۆپەراسیۆنێکدا لە پارێزگاکە، دوو بارزگانی ماددەی ھۆشبەریان دەستگیرکردووە.
باسی لەوەش کردووە کە لە میانی ئۆپەراسیۆنەکەدا، دەست بەسەر سێ کیلۆ و ٥٠٠ گرام ماددەی ھۆشبەر لە جۆری کریستاڵدا گیراوە.
ئەوەیش خستووەتەڕوو کە دەستگرکراوەکان رادەستی لایەنە پەیوەندیدارەکان کراون.