هەواڵی کوردستان ئێستا

دیجیتال میدیای سپێده‌

بەڕێوەبەرایەتی گشتی کەشناسی و بومەلەرزەزانی هەرێمی کوردستان بڵاویکردەوە، ئەمڕۆ ئاسمان هەور دەبێت لەگەڵ ئەگەری نمە بارانی کەمی پچرپچر و بەفر لەناوچە شاخاوییەکان.

باسی لەوەشکردووە، بەفربارینەکە بەتایبەتی ناوچە سنووریەکانی باکور دەگرێتەوە و لەناوچەکانی رۆژهەڵاتی (پارێزگای سلێمانی) هەرێم رێژەی دابارین زیاتر دەبێ بەتایبەتی لەکاتەکانی دوایی نیوەڕۆدا.

دەشڵێت، پاشان کەش بەرەو سەقامگیر بوون دەچێتەوە بۆکاتەکانی ئێوارە و ئەگەری دروست بوونی تەمومژ هەیە زیاتر لەناوچە بەرزەکاندا.

لەبارەی کەشوهەوای سبەینێشەوە باسی لەوەکردووە، ئاسمان ساماڵ دەبێت و لە کاتەکانی بەیانی زوودا ئەگەری دروستبوونی تەم هەیە و پلەکانی گەرما کەمێک بەرزدەبنەوە.