هەواڵی کوردستان ئێستا

شەفەق نیوز/ وەزارەت تەندروسی کوەیت راگەیان لە وشکینەیل  ئاڵشتبووی XBB.1.5 توومارکریایە، ک سەر وە گروپ "ئۆمیگرۆن"ە لە ڤایرۆس کۆرۆنا.

 ‏وەزارەتەگە لەبەیاننامەگەی ئاشکەرایکرد، نیشاندەرەیل بارودۆخ پەتاگە لە وڵاتەگە جیگیربوین وە خوەی دیە، پێویستە پابەند بوون وە رینمایەیل خوەپارێزی، لەژیر رووشنایی زانیاریەیل سەرەتایی لەباوەت وە ئاسانی گواستنەوەی ئی ئاڵشتبوویە، ک لە وشکینەیل بۆماوەیی زیاتر لە 30 وڵات لە جەهان  ئاشکەرا کریاس لە سەرەتای دەرکەفتنی لە ئۆکتۆبەر گوزەشتە.

دووپاتکرد دەرکەفتن جویر ئی ئاڵشتبویە مەزەنە کریاوێد، باوجی جی نیگەرانی نییە، گرنگە دەم و لویت بپووشیەێد لە شوینەیل گشتی  و بەسیاگ و لەناو دامودەزگایەیل تەندروسی، تێکڵای کەسەیلتر نەون لەوەخت دەرچگن نیشانەیل بیماریەگە، وەگەردیا  مقیەتبوون، و تاقەبەشە دریاریکریاگەیل واکسین کۆرۆنا تەواوبکەن، و کوتان ئەرا ئەنفلۆنزای وەرزی و هەوکردن سویەیل وەربگرن.