بەڕێوەبەری دابەشكردنی سوتەمەنی دهۆك: هەركات نەوتی بەغدا گەیشت دابەشكردنی دەست پێدەكاتەوە
موحسین تەها بەڕێوەبەری دابەشكردنی سوتەمەنی دهۆك نەوتی بەغدا نەگەیشتووە و هەركات گەیشت دابەشكردنی دەست پێدەكاتەوە.
لە كۆنگرەیكی رۆژنامەوانیدا موحسین تەها ڕایگەیاند: هێشتا بەشە نەوتی بەغدا نەگەیشتووەتە دهۆك و هەندێك رێكار ماوە و چاوەڕێ دەكەن لە ئایندەیەكی نزیكدا واتە لە چەند رۆژی داهاتوودا بەشە نەوتی پارێزگای دهۆك بگاتە دەستیان، بۆ ئەوەی بەسەر هاوڵاتیانی سنوری پارێزگای دهۆكدا دابەش بكرێت.
ووتیشی: هەر كاتێك بەشە نەوتەكەی بەغدا بگاتە كۆگاكان، تیمەكانیان ئامادەكارییان كردووە بۆ ئەوەی یەكسەر پرۆسەی دابەشكردنی نەوت بەسەر خێزانەكانی سنوری دهۆك بەپێی رێنمایی حكومەت بەڕێوە بچێت.
شایەنی باسە بەشێكی وەرزی سەرما تێپەڕیوە و تاوەكو ئێستا نەوت لەناو شارەكاندا دابەش نەكراوە و بەشێكی زۆری هاوڵاتیان تاكو ئێستا نەوتیان وەرنەگرتووە و بەهۆی گرانی نرخەكەشیەوە بەشێكی زۆری هاوڵاتیان توانیای كرینی نەوتیان نیەو تەنانەت ئەو نەوتەی كەوا حكومەت بڕیاروایە بیدات ئەویش وێڕای گرانی نرخەكەی گلەیی لەكوالێتی نەوتەكەش هەیە و هاوڵاتیان داوا دەكەن نەوت بەهەمان نرخ وكوالێتی نەوتی عێراق بەسەریان دابەش بكرێت.
