لە ژمارەیەک ناوچەی پێرو بۆ ماوەی 30 رۆژ باری نائاسایی راگەیەندرا
دیجیتاڵ میدیای سپێده
بەهۆی توندبوونی خۆپیشاندانەکانی پێرو و تەشەنەسەندنی بۆ لیمای پایتەخت، حکوومەتی ئەو وڵاتە باری نائاسایی بۆ ماوەی ٣٠ رۆژ لە ژمارەیەک ناوچە راگەیاند.
بڕیاری راگەیاندنی باری نائاسایی لیمای پایتەخت و شارەکانی کوسکۆ، کالائۆ و پونۆ دەگرێتەوە.
لە چوارچێوەی بڕیارەکەدا کە دەسەڵاتی نائاسایی دەداتە هێزە ئەمنییەکان، گردبوونەوە و ئازادی تاکەکەسی و پارێزبەندی دەستووریی لە ناوخۆی وڵاتەکەدا هەڵدەپەسێرێت.
هاوکات سوپای پێرو بەپێی توندی خۆپیشاندانەکان و دۆخەکە، دەتوانێت دابەزێتە گۆڕەپانەکان بۆ پشتیوانیکردن لە پۆلیس.
خۆپیشاندەران داوای دەستلەکارکێشانەوەی سەرکۆماری پێرو، دینا بۆلوارتێ و ئەنجامدانی هەڵبژاردنی پێشوەختە و داخستنی کۆنگرێس دەکەن.
بەگوێرەی راگەیاندنی پێرو لە خۆپیشاندانەکانی دژبە حکوومەت لە ١١ی کانونی یەکەمەوە تا ئێستا، ٤٨ کەس کوژراون و ژمارەی بریندارانیش ٧٠٠ کەسی تێپەڕاندووە.
حکوومەتیش باس لە کوژرانی ٤٢ کەس دەکات لە خۆپیشاندانەکاندا.
