برێت مه‌كگۆرك هۆشدارى ده‌داته به‌رپرسانى هه‌رێمى كوردستان
2023-01-17 00:00:00 - سەرچاوە: سپێده
دیجیتال میدیای سپێده
ماوه‌ى دوو رۆژه شاندێكی ئه‌مریكا به‌سه‌رۆكایه‌تی برێت مه‌كگۆرك، ڕێكخه‌ری كۆشكی سپی بۆ كاروباری ئاسایشی ڕۆژهه‌ڵاتی ناوه‌ڕاست و باكوری ئه‌فریقا له عێراق و هه‌رێمى كوردستانن و له‌گه‌ڵ به‌رپرسانى هه‌رێم و عێراق كۆبۆته‌وه.
به‌پێى زانیاریه‌كان له سه‌ردانه‌كه‌یدا بۆ هه‌رێم مه‌كگۆرك پرسه‌كانى وزه و بردنه ده‌ره‌وه‌ى دۆلار به قاچاخ و پرسی هه‌ڵبژاردنه‌كانى هه‌رێم ته‌وه‌رى گفتوگۆكانى ئه‌و به‌رپرسه ئه‌مریكیه بووه له‌گه‌ڵ به‌رپرسانى هه‌رێم و عێراق.
برێت مه‌كگۆرك، له كۆبوونه‌وه‌كیدا له‌گه‌ڵ به‌رپرسانى هه‌رێم باسى له كێشه‌كانی نێوان هه‌ولێر و به‌غدا كێشه ناوخۆییه‌كانی پارتی و یه‌كێتی كردووه و له باره‌ى یه‌كگرتنه‌وه‌ی هێزه‌كانی پێشمه‌رگه‌ش هۆشدارى داوه‌ته به‌رپرسانى هه‌رێم.