هێرشێکی چەکداری لە ئێران کوژرانی دوو سەربازی لێده‌كه‌وێته‌وه
2023-01-24 00:00:00 - سەرچاوە: سپێده
دیجیتال میدیای سپێده
لە هێرشێکی چەکدارییدا لە پارێزگای سێستان-بەلۆچستان باشووری رۆژهەڵاتی ئێران، دوو سەرباز کوژران و سەربازێکی دیکەش بریندار بوو.
بەپێی ئاژانسی هەواڵیی خوێندکارانی ئێران، بەڕێوەبەری ئاسایشی سێستان-بەلۆچستان، محەمەد قەنبەری زانیاری داوە سەبارەت بەو رووداوە کە شەو روویداوە.
محەمەد قەنبەری رایگەیاند:'لە قەزای بەمپور سەربە پارێزگای سێستان-بەلۆچستان هێرشی چەکداری کرایە سەر دەورییەکی سەربازان و دوو سەرباز گیانیان لەدەست دا و سەربازێکی دیکەش بریندار بوو'.
بەرپرسانی ئێران باسیان لەوە کرد کە ئۆپەراسیۆن بۆ دەستگیرکردنی ئەنجامدەرانی هێرشەکە دەستی پێ کردووە کە هێشتا نازانرێت کێن.
