English | عربي

پەرلەمانتارێكی هەدەپە: تا گۆشەگیری ئۆجەلان هەبێت هیچ شتێك لە دۆخی سیاسیی رۆژهەڵاتی ناوەڕاست راست ناكرێتەوە


پەرلەمانتارێكی هەدەپە: تا گۆشەگیری ئۆجەلان هەبێت هیچ شتێك لە دۆخی سیاسیی رۆژهەڵاتی ناوەڕاست راست ناكرێتەوە

2018/10/18 | 11:55

(هەواڵ كوردستان)- خەندان-سالیحە ئایدەنیز، پەرلەمانتاری ئامەدی پارتی دیموكراتی گەلان (هەدەپە) رایگەیاند، تاوەكو گۆشەگیری سەر عەبدوڵا ئۆجەلان هەبێت لە دۆخی سیاسیی رۆژهەڵاتی ناوەڕاست دا "هیچ شتێك ناكەوێتە سەر سكەی خۆی و راست ناكرێتەوە".سالیحە ئایدەنیز، پەرلەمانتاری هەدەپە لە شاری ئامەد بە ئاژانسی هەواڵی فورات نیوز-ی راگەیاند، "فەلسەفەی عەبدوڵا ئۆجەلان بە رۆژهەڵاتی ناوەڕاستدا بڵاوبووەتەوە و بووەتە هیوای هەموو گەلانی جیهان، هەمووان باش دەزانن كە گۆشەگیركردنی ئۆجەلان گۆشەگیركردنی هەموو رۆژهەڵاتی ناوەڕاستە و هاوكات قورستركردنی شەرە".ئایدەنیز ئاماژەی بەوەشكرد، "ئەگەر گۆشەگیریی سەر ئۆجەلان درێژەی پێبدرێت ئەوا لە دۆخی سیاسیی ئێستای رۆژهەڵاتی ناوەڕاستدا هیچ شتێك ناكەوێتە سەر سكەی خۆی و راست ناكرێنەوە".سالیحە ئایدەنیز راشیگەیاند، "دیكتاتۆریەتی درێژە بە گۆشەگیركردن دەدات و دەیەوێت بۆخۆی مۆدێل و ئارگیومێنێتك دروست بكات، بەڵام نایەوێت هیچ كەسێك گۆشەگیری بكاتە رۆژەڤ و قسەی لەسەر بكات و بۆ نەهێشتنی گۆشەگیرییەكە چالاكی ئەنجام بدرێت".پەرلەمانتارەكەی هەدەپە دەڵێت، "كاتێك مرۆڤ سەیری دۆخی ئێستا دەوڵەتەكان دەكات، ئەوە دەبینێت كە ئەوان بۆ بەرژەوەندیی خۆیان بڕیاری سیاسی دەدەن، بۆ ئەوەی ئەو بڕیارانەش جێبەجێ بكەن دەبێت كۆڵەكەی سیاسی و كۆمەڵگە بشكێنن، ئەوانەش لایەنە سیاسییەكان، رێكخراوەكانی كۆمەڵی شارستانی، ژنان و گەنجانن".








نیشانەکردن



زۆرترین






ڤیدیۆ- وێنە





Trending