کاتی دەوامی سەرجەم ناوەندەکانی خوێندن له پێنجوێن كه‌مكرایه‌وه
2023-02-04 00:00:00 - سەرچاوە: سپێده
دیجیتال میدیای سپێده
بەڕێوەبەرێتی پەروەردەی پێنجوێن رایده‌گه‌ینێت كه‌به هۆی ساردی و ناله‌برای كه‌ش و هه‌وا بڕیاردراوه کاتی دەوامی سەرجەم ناوەندەکانی خوێندن لە سەنتەری قەزای پێنجوێن كه‌مكرایه‌وه.
بەڕێوەبەرێتی پەروەردەی پێنجوێن له بڵاوكراوه‌یه‌كدا راگه‌یه‌ندراوێك بڵاو ده‌كاته‌وه رایده‌گه‌یه‌نێت، كه لەبەر بەرژەوەندی گشتی و سەلامەتی خوێندکاران و قوتابیان بەهۆی بونی سەهۆڵ بەندان و سەرما و سۆڵەیەکی زۆر لە سنورەکە بۆ ماوەیەکی کاتی دەوامی سەرجەم ناوەندەکانی خوێندن لە سەنتەری قەزای پێنجوێن و هەردوو ناحیەی گەرمک و ناڵپارێز و گوندەکانی دەوروبەری بەم شێوە دەبێت
١-دەوامی بەیانیان کاتژمێر (٩)ی بەیانی بۆ (١٢)ی نیوەڕۆ.
٢-دەوامی دوانیوەڕوان کاتژمێر (١)ی دوانیوەڕۆ بۆ (٤).
