سەرۆكی حكومەتی هەرێم پیرۆزبایی لە ئەمینداری گشتیی یەكگرتوو دەكات
2023-02-07 00:00:00 - سەرچاوە: سپێده
دیجیتاڵ میدیای سپێده
ئەمڕۆ سێ شەممە، مەسرور بارزانی سەرۆكی حكومەتی هەرێمی كوردستان لە پەیوەندییەكی تەلەفۆنیدا ، بەبۆنەی 29هەمین ساڵیادی ڕاگەیاندنی یەكگرتووی ئیسلامی ، پیرۆزبایی لە مامۆستا سەلاحەدین محەمەد بەهائەدین ئەمینداری گشتیی یەكگرتووی ئیسلامیی كوردستان كرد. لە پەیوەندییەكەدا ، سەرۆكی حكومەت ، وێڕای پیرۆزبایی ، هیوای سەركەوتنی بۆ یەكگرتووی ئیسلامی خواست لە پێناو داكۆكیكردن لە مافە دەستوورییەكان و دەسكەوتە نیشتمانییەكانی خەڵكی كوردستان. ئەمینداری گشتیی یەكگرتووی ئیسلامیی كوردستان ، سوپاسی سەرۆكی حكومەتی كرد بۆ پەیوەندی و پیرۆزباییكردنی.
