هەواڵی کوردستان ئێستا

شەفەق نیوز/ وەزارەت ناوخۆی عراق، ئمڕوو چوارشەممە، جیوەجی ئۆپراسیۆنیگ ناکاوی راگەیان رەسیە دەسگیرکردن دوو توومەتبار یەکیگیان ئیرانیە خوازینە بچنە ناو دامەزراوەیل نەفتی لە پارێزگای بەسرە.

وەڕیەوبەر راگەیانن پولیس وزە لە بەیاننامەیگ وت: هیزیگ هاوبەش لە فەوجی سێیەم و خاڵ هەفتەی لە لیوای پولیس وزەی هەشتەم وەهەماهەنگی وەگەرد یەکەیل هەواڵگری و ئاسایش، دوو توومەتبار دەسگیر کریان یەکیگیان هاوڵاتیی ئیرانە، و دەسنریا بان ماشینیان ک خوازینە وەبی هویچ مووڵەتیگ ئەمنی بچنە ناو دامەزراوەیل نەفتی لە پارێزگای بەسرە.

دیاری کرد ک دوو توومەتبارەگە خریانە بەندیخانە و دەسنریا بان ماشینیان و ئەو چشتەیلە ک وەپیان بویە تا ریکارەیل یاسایی وەگەردیان جیوەجی بکریەێد.