رێبه‌ری ره‌وتی سه‌در داوا له وڵاتانی جیهان ده‌كات گه‌مارۆی سه‌ر سووریا هه‌ڵبگرن
دیجیتاڵ میدیاى سپێده
رێبه‌ری ره‌وتی سه‌در داوا له وڵاتانی جیهان ده‌كات گه‌مارۆی سه‌ر سووریا هه‌ڵبگرن و ده‌ڵێت: گه‌لی سووریا به شیعه و سوننه و كورده‌وه تیرۆر و سته‌م و داگیركاری ره‌تكرده‌وه و به‌جێی مه‌هێڵن.
موقته‌دا سه‌در، رێبه‌ری ره‌وتی سه‌در تویتێكی له‌باره‌ی دۆخی سووریا له‌دوای بوومه‌له‌رزه‌كه‌ی ئه‌و وڵاته بڵاوكرده‌وه و داوای له وڵاتانی جیهان كرد گه‌مارۆی سه‌ر سووریا هه‌ڵبگرن.
رێبه‌ری ره‌وتی سه‌در راشیگه‌یاند: "گه‌لی سووریا له هه‌موو لایه‌كه‌وه رووبه‌ڕووی مردن ده‌بێته‌وه، بۆیه پێویسته یه‌كبگرین بۆ رزگاركردنیان و هه‌ڵگرتنی ته‌واوی گه‌مارۆی سه‌ریان و گه‌یاندنی مافه‌كانیان.
موقته‌دا سه‌در ئاماژه به‌وه‌ش ده‌دات كه هه‌ر سزایه‌كی ئابووریی نێوده‌وڵه‌تی له دژی رژێم و حكومه‌ته‌كان سوودی نابێت له هێنانه‌دیی "ئامانجی وڵاتانی كۆڵۆنالیزم" و ده‌شڵێت: گه‌لی سووریا به شیعه و سوننه و كورده‌وه تیرۆر و سته‌م و داگیركاری ره‌تكرده‌وه، بۆیه به ته‌نیا به‌جێی مه‌هیڵن رووبه‌ڕووی مردن ببێته‌وه، چونكه گه‌له‌كه‌ی له ساده‌ترین ماف بێبه‌ش بووه.