هەواڵی کوردستان ئێستا

شەفەق نیوز/  پسپۆر کەشناسی ئاراس جەبار، ئمڕوو یەکشەممە، مەزەنە کرد واران رفتیگ بوارێد لە وەرز وەهار ئایندەی هەرێم کوردستان هاتێ مەترسیەیل هشکەساڵی رەدبکەێد ک ماوەی چەن ساڵیگە روی دەێد. 

ئاراس لە بڵاوکراوەیگ لەبان تووڕ کۆمەڵایەتی مەزەنەکرد، لە مانگ ئازار/ مارس رێژەی ووران وارین لە هەرێم کورستان و عراق و سوریا زیایەو بوود  بانتر لە رێژەی ئاسایی.

وەپای پسپۆر کەشناسیەگە، پلەیل گەرما مامناوەند بوود لە هەرێم کوردستان لە ئاست سروشتیەگەی خوەی.

وتیش: " ئەرا مانگ نیسان/ئەپرێل، مەزەنە کریەێد واران فرەتر بوارێد، ک جی دڵخوەشیە"، وتیش" هاتی بڕ واران وارین لە مانگ ئازار و نیسان بڕەسێدە رێژەی پێویست، و بوودە هووکار رەدکردن مەترسیەیل هشکەساڵی".