دزیگ میسڕی پارەیگ خەیاڵی دزێد ئەرا خێر کردن
2023-02-24 00:00:00 - سەرچاوە: شـه‌فـه‌ق نيـوز
شەفەق نیوز/ لە رویداویگ ئەڵاجەوی دزیگ وە ناو محەمەد 112 هەزار جونیەی میسری لەناو سوپەر مارکێتیگ دزێد لە شار دەهقلیە لە میسڕ وە پویلەگەی ئاژەڵ سینێد و وەبان نەدارەیل بەخشێدێ.
وەپای خەوەریگ لە ماڵپەر "اخبار الان" دوایای 48 ساعەت دزەگە دەسگیرکریایە و دان وە تاوانەگەی دانایە وتیە ک وە پیویلەگە چەن سەر ئاژەڵ سەندیە وەگەرد پەتاتە و برنج وەبان هەژارەیل ئاوایەگە بەشیەوکردیە وتیە " تواستمە گوناهەیلم بسڕمەو".
دزەگە لەو باوەڕەس کار خاسیگ ئەنجامدایە و راگەیانیە؛ ئەوەگ من کردمەسێ کار خێر بویە مەوقەیگیش لە زیندان دەرچیم پویلەگە ئەرا خاوەن مارکێتەگە گلەودەم".
