هەواڵی کوردستان ئێستا

ئێران مووشەکێکی زەمین بە زەمینی نوێی کروزی بەناوی "پاوە" ناساند.

لە میانی بەشداریکردنی لە بەرنامەیەکی تەلەڤیزیۆنی ئێران، فەرماندەی هێزی ئاسمانیی سوپا پاسداران، ئەمیر عەلی حاجی زادە، باسی لەوە کرد کە مووشەکە نوێیەکە توانای بڕینی هەزار و ٦٥٠ کیلۆمەتری هەیە.

لە بەرنامەکەدا ساتی هەڵدان و پێکانی ئامانجی لەلایەن مووشەکەکەوە بڵاوکرایەوە.

ئەو فەرماندە ئێرانییە ئاماژەی بەوە کرد تۆڵەی جەنەراڵ قاسم سولەیمانی دەکەنەوە کە لە ساڵی ٢٠٢٠دا لەلایەن ئەمریکاوە لە عێراق کوژرا.