هەواڵی کوردستان ئێستا

شەفەق نیوز/ وەڕیەوبەرایەتی وەرگیری شارستانی، ئمڕوو چوارشەممە، راگەیان، چوار کەس قورتارکریانە و تەرم سێ کەسیش دراوردنە لەئەنجام هیزگردن ئاگریگ لەناو ماڵیگ لەبەغدای پایتەخت.

لە بەیاننامەیگ رەسیە ئاژانس شەفەق نیوز وت، تیم وەرگیری شارستانی چوار لە ئەندامەیل خیزانیگ قورتارکردن، و تەرم سێ کەسیانیش ک مناڵیگیش هاناویان دراوردن ک وە ئاگرەگە تاسیانە، لەدویای ئەوەگ شەوەکی شەفەق ئمڕوو چوارشەممە ئاگریگ هیزگرێد لەناو ماڵیگ لەناوچەی بەیاع لە بەغدا.

لە بەیانامەگە وتیش، تیم  ەرگیری شارستانی سەرکەفتی بوین لە چگنەناو ماڵە سزیاگە و دەسبکەن وە ئۆپراسیۆن قورتارکردن وەگەرد کوشانەوەی و دراوردن تەرمەیل و کلکردن زەخمدارەیل ئەرا خەسخانەی نزیکیگ.