به‌هۆی تەقینەوەیەک لە بەنگلادیش ١٤ کەس گیانلەدەستده‌ده‌ن
2023-03-07 00:00:00 - سەرچاوە: سپێده
دیجیتال میدیای سپێده
لە ئاکامی روودانی تەقینەوەیەک لەناو باڵەخانەیەک لە داککا پایتەختی بەنگلادیش، ١٤ کەس گیانیان لەدەستدا و ژمارەیەکی دیکە برینداربوون.
بەپێی هەواڵی ماڵپەڕی ئیندیا تودەی، کاربەدەستەکان رایانگەیاندووە لە ئاکامی ئەو تەقینەوەیەی کە لە باڵەخانەیەکی حەوت نهۆمیی ناوچەی گوڵیستان روویداوە، لانیکەم ١٤ کەس گیانیان لەدەستداوە و نزیکەی ١٠٠ کەسیش برینداربوون.
ئۆپەراسیۆنەکانی رزگارکردن بەردەوامە و ١١ تیمی ئاگرکوژێنەوە و بەهاناوەچوونیان رەوانەی ناوچەکە کردووە.
ئەوەش راگەیەندرا کە تەقینەوەکە لە شوێنکارێکی فرۆشتنی کەلوپەلی خاوێنکردنەوە کە دەکەوێتە نهۆمی خوارەوەی باڵەخانەیەک کە ژمارەیەکی زۆر ئۆفیس و دوکانی جلوبەرگی لێیە، روویداوە.
راگەیەندرا کە بریندارەکان گواسترانەوە بۆ نەخۆشخانەی فاکەڵتیی پزیشکیی داککا.
