هەواڵی کوردستان ئێستا

شەفەق نیوز/ ئمڕوو 8 ئادار ک رووژ جەهانی ژنە، بەشیگ لە چالاكوانەیل ژن لە شار کەرکوک گردبوینیگ ناڕەزایی وەڕیەو بردن.

شۆخان محەمەد، توێژەر كۆمەڵایەتی لە كۆمەڵەی هیوا ئەرا مافەیل ژنەیل لە كەركوك ك بڕیگیان بەشداری لەو گردبوینە کردنە، ئەرا میدیایل راگەیانن وت: ئمڕوو چوارشەممە 8 ئادار 2023، شمارەیگ لە چالاكاەیل بوار مافەیل ژنەیل و كەسایەتی گردبوینیگ ناڕەزایی وەڕیەو بردن.

وتیش: ئەو گردبوینە ئەرا ئەوە كریا ک لە كەركوك باڵەخانەیگ ئامادە کریاگە ئەرا شوین ژەنیل هەڕەشەلیکریاگ، و  وەفەرمییش واز کریاگە، باوجی وەداخەو هویچ کارمەنیگ ئەرای دابین نەکردنە، و چەن کەموکوڵییگیش هەس تا ئیسە چارەسەر نەکریانە، و خوازینەیلی دابین نەکریانە، واتە تەنیا باڵەخانەیگە و واز کریاگە، دی سوودیگ لەلی نییە، ئەراوە لە گردبوینەگە داوا كریا حكومەت کادر ئەرای بنەێد و شەڵتەرەگە واز بوود، و پیشوازی لە باوەتەیل ژنەیل هەڕەشەلیکریاگ بکەێد.