هەواڵی کوردستان ئێستا

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پەیامیگ لە ئەنتۆنی بلینکن وەزیر دەرەوەی ئەمریکا رەسیە دەسی، لەناوی نشان خوەشهاڵیی وەو گفتوگۆە دا ک لەناوبەینیان بوی لەناو کۆنگرەی میونخ ئەرا ئاسایش لە مانگ شوبات گوزەشتە.

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: وەزیرەگە وتیە ئەوە دەرفەتیگ بویە ئەرا دووپاتکردن لەبان گرنگی پەیاکردن چارەیگ یەکجاری ئەرا گرفتەیل گیرهاتگ ناوبەین هەولێر و بەغدا وەڕی گفتوگو و لەیەکڕەسینەوە.

بلینکن لە پەیامەگەی دووپات کرد ک هاوکاری و هاوبەشی قایمیگ ناوبەین ئەمریکا و عراق فیدڕاڵ و هەرێم کوردستان بەسێد، وباس پابەندبوین وڵاتەگەی و پشتگیریکردن وەردەوامی ئەرا عراق و ئارامی و ئاسایش و سەروەری عراق کرد.