هەواڵی کوردستان ئێستا

شەفەق نیوز/ ئیدارەی قەزای عەقرە لە پارێزگای دهۆک، ک وە پایتەخت نەورووز لە هەرێم کوردستان ناسیاگە، ئمڕوو یەکشەممە، ئامادەیی ئەرا ئاهەنگەیل نەورووز ئمساڵ راگەیان.

شەعبان برواری قایمقام قەزاگە ئەرا ئاژانس شەفەق نیوز وت: ئیدارەی قەزاگە ٨ دەسەی جیاجیا دروس کرد تا سەرپەرشتی ئاهەنگە بکەن، ک ئیوارەی سوو دووشەممە دەسوەپی کەێد، و دیاری کرد ک زیاتر لە ٢٠٠٠ کەس خوەیبەخش ئەوەسا مەشەخڵەیل نەورووز لەبان کویە و تەپەیل بان شارەگە بەرزەو کەن.

برواری مەزەنە کرد زیاتر لە هەزاران کەس لە جویراجویر ناوچەیل عراق وەگەرد شمارەی گەورەیگ لە دەیشت وڵاتەگە ئەرا ئاهەنگ نەورروز سەردان شارەگە کەن، و برواری داوا لە هاوڵاتیەیل کرد مەوقەی ئاهەنگکردن تەقە نەکەن، و دووپات کرد ک ئەوەگ ئی یاسا بشکنێد دەزگا ئەمنیەیل وەگورەی یاسا وەگەردی رەفتار کەن.