هەواڵی کوردستان ئێستا

شەفەق نیوز/ سەرۆک حکومەت ناوخوەیی لە پارێزگای هەولێر پایتەخت هەرێم کوردستان، ئمڕوو یەکشەممە، راگەیان؛ سوو وە رووشنکردن مەشخەڵ نەوروز لە سەیرانگای شاندر کۆتایی ڤیستواڵ ئادار و نەورروز تیەێد.

ئومێد خۆشناو پارێزگار هەولێر لە وتاریگ رووژنامەوانی ک پەیامنێر ئاژانس شەفەق نیوز لەناویان بوی وت: سوو دووشەممە، فیستواڵەگە لە سەیرانگای شاندر لە ساعەت چوار ئیوارە تەواو بوود.

خۆشناو نرخدار رۆڵ دەسەی سەرپەرشتیار فیستواڵەگە کرد ک پلانەگەی وە گشت لایەنەیلی جیوەجی کرد، و کارەیلی وە سەرکەفتن ئەنجام دا.

خۆشناو وتیش: رسوومەیل ئاهەنگەگە وەئامادەبوین بڕیگ لە هونەرمەنەیل و تیپەیل مۆسیقای کوردی لەناو ئاهەنگیگ جەماوەری فراوانیگ وەڕیەو چوود، و داوا لە دانیشتگەیل کرد لەی ئاهەنگە بەشدار بوون.

 سەرەتای هەفتەی گوزەشتە، لە شار هەولێر، دەسکریا فیستواڵ جەژنەیل ئادار و نەوروز وە وازکردن پەیکەر خانمە شەهید خەجە باوە یەکەمین خانم قوربانی لا راپەڕین ١٩٩١ لە هەرێم کوردستان.