هەواڵی کوردستان ئێستا

سەرۆکی ئەمەریکا جۆو بایدن و خانمی یەکەم جیل بایدن ڕۆژی دووشەممە بەبۆنەی نەورۆزەوە لە کۆشکی سپی ڕێوڕەسمێکیان ڕێکخست و پیرۆزبایی نەورۆزیان لە هەموو ئەو کەسانە کرد کە ئەم جەژنە دەگێڕن.

لەو ڕێوڕەسمەدا سەرۆک و خانمی یەکەم  پێشوازیان لە کۆمەڵێک خەڵک کرد کە ئەم جەژنە دەگێڕن لە ناویاندا سینەم محەمەد نوێنەری ئەنجومەنی سوریای دیموکراتیک لە ئەمەریکا.

خاتوو سینەم لە تویتێکدا وێنەیەکی خۆی و سەرۆک بایدنی لە ڕێوڕەسمەکەدا بڵاو کردووەتەوە و دەڵێت " مایەی شانازییە لە بۆنەیەکی نەورۆز کە یەکەم جار لە کۆشکی سپی بەڕێوەچوو، سەرۆک بایدنم بینی، بۆنەیەکی بێوێنە لەگەڵ زۆرێک لە خەڵکی نایابدا. هیوادارم ئەم نەورۆزە  ئاشتی و ئازادی و دیموکراسی بۆ سوریاییەکان و ناوچەکە بهێنێت. نەورۆزتان پیرۆز بێت!"

 

سەرۆک بایدن گوتی" سەرۆک بایدن گوتی  " ئەمساڵ نەورۆز لە کاتێکی سەختدایە کە زۆرێک لە بنەماڵەکان لە هەموو کاتێک زیاتر پێویستیان بە ئومێد هەیە، لەوانە ژنانی ئێرانی کە خەبات بۆ مافەکانی مرۆڤ و ئازادییە سەرەتاییەکانیان دەکەن. ئەمەریکا لەگەڵ  هەموو هاووڵاتیانی ئێرانی دەوەستێت کە بە بڕوا و بوێری خۆیان ئیلهامبەخشن بۆ جیهان. وە لەگەڵ هاوبەشەکانمان ئێران بەرپرسیار دەکەین لە هێرش کردنە سەر هاووڵاتیانی خۆی."

خانمی یەکەمیش بەهەمان شێوە پیرۆزبایی کرد و ئاماژەی بە شۆڕشی ژینا کرد.