هەواڵی کوردستان ئێستا

شەفەق نیوز/ وەڕیەوبەرایەتی کەشناسی لە هەرێم کوردستان، ئمڕوو سێشەممە، بەرزترین وارین وەماوەی ٢٤ ساعەت گوزەشتە لە ناوەند پارێزگای سلێمانی راگەیان، و دیاری کرد ک واران نا کۆتایی ئی هەفتە وەردەوامە.

 وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: کەشوهەوا تا کۆتایی ئی هەفتە نا ئارامە، و دیاری کرد ک لە سەرتای ئی هەفتە دەسکردە واران لە هەرێم کوردستان.

 وەگورەی دەسەی کەشناسی لە هەرێم کوردستان؛ بەرزترین ریژەی واران لە ساعەت 09:00 شەوەکی دویەکە تا ساعەت 09:00 شەوەکی ئمڕوو واریە.

بەیاننامەگە دیاری کرد ک لە ماوەی ٢٤ ساعەت گوزەشتە ریژەی وارانەگە وەیجویرە بوی: سلێمانی: 13.8 ملم، چوارتا: 1.7 ملم، بەرزنجە: 32.1 ملم، چەمچەماڵ: 2.5، دوکان: 1.6 ملم، دەربەندیخان: 6 ملم، پێنجوێن: 4 ملم، قرگە: 5 ملم.