هەواڵی کوردستان ئێستا

شەفەق نیوز/ وەزارەت ناوخۆی عراق، ئمڕوو چوارشەممە، رینمایل تایبەت وە مانگ رەمەزان دەرکرد، لەلیان قەیەغەکردن رووژگ شکانن ئاشکرا و چیشتەخانەیل بیمووڵەت، و گشت دوکانەیل مەی فرووشتن.

وەزارەتەگە لە بەیاننامەیگ رەسیە ئاژانس شەفەق نیوز وت: وە یەکجاری قەیەغەی رووژگ شکانن ئاشکرا قەیەغەس، و ئەوەگ رینماگە شکنێد کەفێدە وەرپرسایەتی یاسایی.

هەمیش بڕیار بەسانن دوکانەیل مەی فرووشتن لەناو مانگ رەمەزان دا، و ئەوەگ یاساگە شکنێد کەفێدە وەر وەرپرسایەتی یاسایی.

هەمیش؛ بەسانن گشت چێشتخانە و کافێەیل و گشت ئەو دوکانەیلە ک خواردن و نووشین لە مەوقەی رووژگگردن تا دەمەوکردم پیشکەش کەن و مووڵەت نەیرن.

وەزارەتەگە دووپات لەبان لایەنەیل پەیوەندیدار لە وەزارەتەگە کرد ئا بەیاننامە جیوەجی بکەن وە هەماهەنگی وەرد وەزارەتەیل و لایەنەیل حکومەتی فەرمی و حکومەتەیل ناوخوەیی پەیوەندیدار.

هوشداری کرد ئەوەگ ئی یاسا بشکنێد کەفێدە وەر وەرپرسایەتی یاسایی و دادوەری.