مێتا و وەتسئەپ لە تورکیا سزای دارایی دران
دیجیتاڵ میدیای سپێده
بەهۆی بەجێنەگەیاندنی بەرپرسیارییه‌تییه‌کانی پاراستنی تۆماری زانیاریی، دامەزراوەی پاراستنی زانیاریی کەسی لە تورکیا، هەر یەک لە وەتسئەپ و مێتای بەبڕى دوو ملیۆن و 665 هەزار لیرە سزا دا.
بەپێی هه‌واڵێكی ئانادۆڵو،لە چوارچێوەی ئەو پێداچوونەوەیەی دامەزراوەکە بە فەرمی دەستیپێکردووە، بۆی دەرکەوتووە كه هه‌ریه‌ك له مێتا و وەتسئەپ کە کار لەسەر زانیاری کەسی دەکەن لە وڵاتەکە و پابەندن بە بڕگەکانی یاسای پاراستنی زانیاری تاکە کەسی، بەڵام بەرپرسیارییه‌تییه‌کانیان بۆ پاراستنی تۆماری زانیارییەکان بەجێنەگەیاندووە.
بەو هۆیەشەوە دامەزراوەی پاراستنی زانیاریی کەسی لە تورکیا، هەر یەک لە وەتسئەپ و مێتای بەبڕى دوو ملیۆن و 665 هەزار لیرە سزا دا.
هەروەها دامەزراوەکە بڕیاریدا مێتا و وەتسئەپ لە ماوەی 30 رۆژدا پابەند بکرێن بە جێبەجێکردنی بەرپرسیارییه‌تییه‌کانیان لەبارەی تۆمارکردنی زانیارییەکان.