هەواڵی کوردستان ئێستا

شەفەق نیوز/ کۆمپانیای تۆیوتای یابانی پلان دیرێد فرووشتن ماشین کامری لەناو بازاڕ یابان بووسنێد، وەگەرد زوورهاوردن لەبان ئەو وڵاتەیلە ک هیمان ئەو مارکە هاناویان ک یە ٤٣ ساڵە باوە.

وەگورەی رووژنامەی "نيكی" تویوتا ئاگادار خاوەن کۆمیانیایل بازرگانی کرد ک لە کۆتایی ئی ساڵە ئەوەسا لە کار بەرهەمکردن ئەرا بسینەیل ناو یابان وسنێد، و تەنیا ئەرا هەناردە دروسی کەێد.

فرووشتنەیل ناو یابان گام لە شەین گام کۆتایی وەپیان تیەێد، و تۆیوتا فرەی داوا نووەیل وسان، و ئەوەسا فرەی مودێلەیل کامری تەنیا ئەرا هەناردە فرووشیەن.

ماشینەگە وە شیوەیگ سەرەکی لە ئەمریکا و وڵات چین و یابان دروس کریەێد، و هەکاتی کۆرولا کامرییش ماشین گرنگیگە ئەرا کۆمپانیاگە.

تۆیوتا لە وەخت دەرچگن کامری لە ساڵ ١٩٨٠  نزیکەی ١.٣ مەلیۆن ماشین لەلی فرووشت، و ماشین سیدان لەناو یابان لە ٢٦٤٠٠ دۆلار تا ٣٥٤٥٠ دۆلار فرووشیەێد.

 کامری لەناو زیاتر لە ١٠٠ دەوڵەت فرووشیەێد، و تا کۆتایی ساڵ ٢٠٢٢ زیاتر لە ٢١ مەلیۆن ماشین لەلی سەنیاگە.

کامری لە ئەمریکا خاوەن جەماوەری گەورەیگە، ک زیاتر لە ١٣ ماشین لەلی فرووشیاگە.