هەواڵی کوردستان ئێستا

شەفەق نیوز/ مەیسەم عەبدولئیلاه پارێزگار دیوانیە، ئمڕوو دووشەممە، فەرمان پەکخستن دەوام فەرمی ئەرا سوو سیشەممە دا، ئەوەیش لەوەر ئەو واران رفتە ک لە پارێزگاگە وارێد.

پارێزگار دیوانیە لە بەیاننامەیگ رەسیە ئاژانس شەفەق نیوز وت: پەکخستن دەوام فەرمی سوو فەرمانگە و دامودەزگایل حکومەتی گرێدەو بیجگە خزمەتگوزاریەیل، ئەوەیش تا لە کار و تەقەلای میسان ئاو وارانەگە وەردەوام بوون.

هەمیش پڕیار پەکخستن دەوام مەکتەوەیل دا بیجگە وەڕیەوبەرایەتی مەکتەوەیل تا ئەوانیش کار لە ئامادەکردن بینایل مەکتەوەیل وەردەوام بوون.

هەر لە پارێزگایل دیوانیە و سەڵاحەدین و ئەنبار و زیاتر و واست و نەجەف و بابل، ئمڕوو دووشەممە، پەک دەوام فەرمی خستن، لەوەر وە وارانە ک لە فرەی ناوچەیل وڵاتەگە لە دویەکە یەکشەممە تا ئیسە وارێد.

 دویای ئەوە، محمد شیاع سودانی سەرۆک وەزیرەیل فرەمان پەکخستن دەوام فەرمی ئەرا رووژ دووشەممە دەرکرد، لەوەر بەدی کەشوهەواگە، بیجگە دامودەزگایل ئەمنی و خزمەتگوزاری.