هەواڵی کوردستان ئێستا

دیجیتال میدیای سپێده‌

ئەوە راگەیەندرا کە ٢٠ کەس لە ئاکامی رووداوێکی هاتوچۆی پاسێک کە عەمرەکارانی هەڵگرتبوو گیانیان لەدەستداوە.

بەپێی ئەو هەواڵانەی کە لە میدیاکانی سعوودیە بڵاو کراوەتەوە، پاسێک لە نێوان شارەکانی ئەبها و عەسیر لە باشووری رۆژئاوای وڵاتەکە دوای ئەوەی وەستێنەری لەدەستدەدات خۆی بە پردێکدا دەکێشێت.

ئاماژە بەوەش کراوە کە پاسەکە کە عەمرەکارانی دەگواستەوە بەهۆی پێکدادانەکەوە وەردەگەڕێت و گڕدەگرێت و لە ئاکامدا ٢٠ سەرنشین گیان لەدەستدەدەن و ژمارەیەکی زۆریش برینداردەبن.

هاوکات میدیاکانی یەمەن باسیان لەوە کرد کە ئەو پاسەی تووشی رووداوەکە بووە عەمرەکارانی یەمەنی هەڵگرتووە.

هێشتا هیچ روونکردنەوەیەک لەلایەن لایەنە فەرمییەکانەوە لەسەر رووداوەکە نەدراوە.