هەواڵی کوردستان ئێستا

شەفەق نیوز/ وەرپرسیگ حکومەتەی لە دیالە، ئمڕوو چوارشەممە، ئاشکرای هویردەکارەیل ناکاوی لە رویداو کوشتن خیزانیگ لە دەورگرد قەزای خاڵس کرد، ک توومەتبار سەرەکی لەو تاوانە یەکیگە لە ئەندامەیل خانەوادەگە و کاریگ تیرۆری نەویە.

 عودەی خەدران قایمقام خاڵس ئەرا ئاژانس شەفەق نیوز وت:  تاوان کوشتن پولیسیگ وەگەرد خانەوادەگەی لە ئاوای ئەلبو عەبدولڵا لە ناوچەی تەحویلە لە دەورگرد قەزای خاڵس کوڕ پولیسەگە جیوەجیی کردگە، و رای گشتی خەڵەتانیە.

خەدران ئاشکرا کرد ک کوڕ پولیسە کوشیایەگە خوەنەوار زانکۆس، و راسیەگە وە کوشتن باوگ و داڵگ و برای خوەی گوما کرد، ک دویای ئەوە تەقە لە دەس خوەی کردگە تا رای گشتی بخەڵتنێد، وەلێ لێکۆڵینەوەی هەواڵگری و ئەمنی راسی تاوانەگە ئاشکرا کرد، و دووپات کرد ک تاوانکارەگە دەسگیر کریاگە و کەفتیەسە لێکۆڵینەوە ئەرا رەسین وە بندروس هوکارەیل جیوەجیکردن ناوانەگەی.