وەزارەتی پێشمەرگە: "هێزەکانمان پەلامارێکی داعشیان لە قەرەچووغ پووچەڵ کردەوە"
2023-04-08 00:00:00 - سەرچاوە: سپێده
دیجیتاڵ میدیای سپێده
وەزارەتی پێشمەرگەی هەرێمی کوردستان ئاشکرای کرد هێزەکانیان پەلامارێکی داعشیان لە بناری چیای قەرەچووغ سنووری قەزای مەخموور باشووری رۆژهەڵاتی پارێزگای نەینەوا، پووچەڵکردووەتەوە.
لەو راگەیەندراوەی کە لە وەزارەتی پێشمەرگەی هەرێمی کوردستانەوە بڵاوکراوەتەوە، هاتووە: "شەوی ٧/ ٨ی نیسانی ٢٠٢٣، کاتژمێر ١١:٣٠ داعش هێرشیان کردە سەر سەنگەرێکی سریەی ٣ی فەوجی ١ی لیوای ١٨ی پیادەی پێشمەرگە لە گوندی عەڵا لە بناری چیای قەرەچووغ".
لە راگەیەندراوەکەدا ئاماژە بەوە دراوە کە هێرشەکە لەلایەن پێشمەرگەوە بەرپەرچ دراوەتەوە و پوچەڵ کراوەتەوە.
ئەوەش هاتووە کە پەلامارەکە هیچ زیانێکی گیانی لەناو هێزەکانی پێشمەرگەدا نەبووە.
