هەواڵی کوردستان ئێستا

شەفەق نیوز/ خوەنەوارەیل مەکتەوەیل عراق، ئمڕوو دووشەممە، ئاشکەرایکردن ماموستایلیگ بەرتیل وەرگردنە لەوەرانوەر چگنە ناو تاقیکردنەوەیل گشتی بەکاڵۆریە و خەوەردار وەزیر پەروەردە کردنە لە ئی باوەتە، و پەنج ئیدارەیل مەکتەوەیل ئەرا لێکۆڵینەوە کلکریانە، و دوو وەرپرس لەپەروەردەی یەکەم کەرخ لە کارەیلیان دویرەوخریان.

وەزارەتەگە لە بەیاننامەیگ رەسیە ئاژانش شەفەق نیوز  راگەیان، وەزیر پەروەردە ئیبراهیم نامس جوبوری کۆمەڵیگ بڕیار پتەو دەرکرد ئەرا وازکردن و کارکردن لە پەیمانگایەل وانەوتن تایبەت و ماموستایەیل تایبەت وئیەش لەدویای سەردانکردن مەیدانیانە وەگەرد راوێژکار پەوەروەردە سەفا جابری.

وەزیر لە بەیانامەگەی راگەیان شمارەیگ لە پەیمانگایەیل بەسیانە ک مۆڵەت فەرمی نەیرن لەدویای ئەوەگ سەرپیچیکردنە لە مەرجەیل  وە وازکردن پۆلەیل کەرڤانەیی ک گیان خوەنەوارەیل خەێدە مەترسی.

وتیش، وەزیر جبوری گووشی لە خوەنەواریلیگ بویە ک خەوەداری کردنە بڕیگ لە مامووستا بەرتیل وەرگرن لەوەرانوەر وەرگردنیان لە بەکالۆریا وە خێرایی لێکۆڵینەوە کریا و دڵنیا بوین لە باوەتەگە، ئیدارەی پەنج مەکتەو ئەرا لێکۆلینەوە کلکردن ئەرا دڵنیابوین لە باوەتەگە، و توومارەیل سەردانیکردن پەیمانگاگە چووڵ بوی لە واژوو چەودێر بڕیادەر و وەڕیەوبەر بەش چەودێری تایبەت وپەروەردەیی و وەڕیەوبەر پەروەدەی ئەهلی ک وە پەروەزدەی کەرخ یەکەم دویرەوخریان لە کارەیلیان.