تەندروسی جەهانی مردن یەکەمین کەس وە ئەنفلەوەنزای باڵندە توومار کەێد
2023-04-12 00:00:00 - سەرچاوە: شـه‌فـه‌ق نيـوز
شەفەق نیوز/ ریخریاگ تەندروسی جەهانی، راگەیان؛ ژنیگ لە وڵات چین لەوەر تویشهاتنی وە ئەنفلەوەنزای باڵندە (H3N8) گیانی لەدەسدا، ک ئی ڤایرۆسە لە ساڵ ٢٠٠٢ دەسکردە بڵاوبوین، و وەرجەیە کەسیگ نەکوشتیە.
ریخریاگ تەندروسی جەهانی وتیش؛ ژنیگ چینی بویە یەکەمین کەس ک وە ئەنفلەوەنزای باڵندە بمرێد، و تویشهاتن ئایم وەی ڤایرۆسە دەگمەنە، وەلی نەوەیل ڤایرۆسەگە لەناو مەردم بڵاو بوون.
تەندروسی جەهانی وتیش: ژنیگ ٥٦ ساڵە لە هەرێم قوانگدونگ ک سێیەم تویشهاتنە وە ئەنفلەوەنزای (H3N8)، لە ٢٢ شوبات تویش هات، و لە سێیەی ئادار خریا خەسەخانە، و لە ١٦ی ئادار گیانی لەدەسدا.
وتیش: ژنەگە بیماری درویژماوە داشتگە، و لەناو مامر زنی بویە، و باڵندەیی لە نزیک ماڵی بویە.
ریخریاگ تەندروسی جەهانی وتیش: تا ئامادەکردن ئی راپۆرتە، کەسیگ لە تیکەڵبویەیل ژنەگە تویش ڤایرۆسەگە نەهاتیە.
