هەواڵی کوردستان ئێستا

شەفەق نیوز/ کونسوڵخانەی یۆنان لە هەولێر راگەیانیە، وە فەرمی دان دانەێد وە بڕوانامەیل سەرجەم زانکۆ حکومیەکان هەرێم کوردستان و هەر دەرچگیگ ئەو زانکۆیەیلە توەننن داواکاری ئەرا خوەنین ماستەر لەو وڵاتە پێشکەش بکەن.

لە بەیانامەیگ کونسوڵخانەی یۆنان راگەیانیە " وە خوەشحاڵیەو رایگەینمین وڵات یۆنان وە فرمی دان وە بڕوانامەی ئەکادیمی سەرجەم زانکۆ حکومیەکان هەرێم کوردستان و زانکۆی ئەمریکی لە عراق – سلێمانی (AUIS) دانایە.

دیاریکرد، گشت ئەو خوەنەوارەیلە ک خاوەن بڕوانامەن لە زانکو دانوەپینریاگەیل حکومەت هەرێم کوردستان ری وەپیان دریەێد داواکاری پیشکەش بکەن ئەرا نزیکەی 150 ماستەر لە زانکۆ گشتیەگان یۆنان ک گشت وڵاتەیل ئەندام یەکێتی ئەوروپا دانوەپیاننانە.

کونسوڵخانەی یۆنان ئاشکەرایکرد،  دانوەپی نانەگەی ئی بڕوانامەیلە لەئەنجام  پرۆسەی هەڵسەنگاندنە وەلایەن سەنتەر زانیاریی ناسانن ئەکادیمی نیشتمانی هێلینیک (DOATAP) ئەرا پرۆگرام و ستانداردە ئەکادیمییەگان و دۆخ باوەڕوەپیکردن ئی زانکۆیەیلە دەریخستیە ک ستانداردە پێویستەگان وەریگریەن.