بوومەلەرزەیەک بە گوڕی 4 پلە قەهرەمانمەڕەشی له توركیا هەژاند
2023-04-15 00:00:00 - سەرچاوە: سپێده
- بوومەلەرزەکە چەقەکەی قەزای گۆکسون سەربە پارێزگای قەهرەمانمەڕەش بووە و لە قوڵایی حەوت کیلۆمەتردا روویداوە.
کاتژمێر ٠٢:٠١ی بەرەبەیانی ئەمڕۆ، بوومەلەرزەیەک بە گوڕی چوار پلە قەزای گۆکسون سەربە پارێزگای قەهرەمانمەڕەشی هەژاند.
سەرۆکایەتیی ئیدارەدانی کارەسات و باری لەناکاو لە تورکیا (AFAD) لە ماڵپەڕی تایبەتی خۆی زانیاری لەباری بوومەلەرزەکە بڵاوکردەوە و ئەوەی خستەڕوو کە بوومەلەرزەکە چەقەکەی قەزای گۆکسون سەربە پارێزگای قەهرەمانمەڕەش بووە و لە قوڵایی حەوت کیلۆمەتردا روویداوە.
