نزیکەی ٢٠٠ مەلیۆن دینار لە حکومەت کوردستان ئەرا خاسەوکردن کۆشک ئاسەواری کفری
2023-04-18 00:00:00 - سەرچاوە: شـه‌فـه‌ق نيـوز
شەفەق نیوز/ وەزارەت شارەوانی و گەشتوگوزاری لە هەرێم کوردستان، ئمڕوو سێشەممە، تەرخانکردن نزیکەی ٢٠٠ مەلیۆن دینار ئەرا خاسەوکردن کۆشک "مەجيد پاشای بابان" لە شار كفري راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: ساسان عەونی وەزیر شارەوانی و گەشتوگوزاری رەزامەنی لە خەرجکردن ١٩٩ مەلیۆن و ٣٠٥ هەزار دینار لە بوودجەی وەڕیەوبەرایەتی ئاسەواری و رووشنهویری کفری داگە، ئەرا خاسەوکردن کۆشک "مەجيد پاشای بابان" لە شار كفري.
دیاری کرد ک کۆشکەگە وەیەکیگ لە شوینەیل کەلتووری کوینە لە هەرێم کوردستان دانریەێد، و گرنگی وەلایەن ئیدارەی گەرمیان و گەشتیارەیل دیرێد، و پڕۆژەگە مقیەتی بیناسازی کوینە و شوینەیل کەلتووری لە هەرێم کوردستان کەێد.
